انت تدري.....

انت تدري في غيابك وش يصير
وتدري اني من فراقك باحترق

ودك تجرب تشوف الوضع غير
ودك تناظر حياتي تنسرق

ايه انا في غيبتك مثل الكسير
اعترفلك حق يبليني الغرق

تهت في بحرك ولا عينت خير
كود ضيقاتي مع موجك صفق

تايه التفكير مذهول واسير
اتمنا منك لو لحظه ترق

ليه يا مظنون عيني وانت غير
غير كل الناس عندي تعتنق

فوق هام السحب في قلبي كبير
منزلك نجم الثريا مفترق

عن جميع الناس سميتك امير
تامر وتنهى وغيرك منفهق

دلعك قلبي ومعطيك الكثير
يا قليل الشوق ودي منك حق

شوف عيني كنها عين الظرير
دنيتي سوده وحالي في قلق