جاء رجل ومعه دجاجة مذبوحة لمحل الدجاج علشان يقطع الدجاجة
فقال راعي الدجاج رح ربع ساعة وارجع تلقاها جاهزة
فمر القاضي على راعي الدجاج وقال : عطني دجاج
فقال راعي الدجاج : ما عندي إلا هذى الدجاجة وهي لرجل بيرجع الحين
قال القاضي : خلاص عطني إياها وإذ جاء صاحبها قول له الدجاجة طارت
قال راعي الدجاج : وشلون تطير وهي ميته
قال القاضي : قوله كذا ولا عليك وخليه يشتكي ولا يهمك
قال راعي الدجاج : خلاص الله يستر
جاء صاحب الدجاجة : وقال وين دجاجتي
قال راعي الدجاج : طارت
قال صاحب الدجاجة : وش تقوووووووول كيف تطير وأنا جايبها ميته
وصار بينهم شد في الكلام وبغوا يتهاوشون
فقال صاحب الدجاجة : امش معي للقاضي علشان يحكم بيننا وهناك يطلع الحق
راحوا للقاضي و في طريقهم شافوا اثنين يتهاوشون
واحد مسلم والثاني يهودي
فجاء راعي الدجاج يفك بينهم ولكن إصبع راعي الدجاج دخلت في عين اليهودي وفقعها
فتجمع الناس ومسكوا راعي الدجاج وقالوا هذا اللي فقع عين اليهودي
فصارت القضية قضيتين
فجروه للمحكمة عند القاضي فيوم قربوا عند المحكمة حاول و فلت منهم وهرب
و لحقوه يبون يحاكمونه لكنه دخل في مسجد
وركب فوق المنارة وهم وراه طمر ( قفز ) من فوق المنارة وطاح على شايب
و مات الشايب اثر طيحة رعي الدجاج عليه
فجاء ولد الشايب وشاف أبوه ميت فلحق براعي الدجاج و أخذوه عند القاضي
فلما شافه القاضي ضحك يفكره علشان سالفة الدجاجة
ما درا إن راعي الدجاج عليه ثلاث قضايا :
1 ـ سرقة الدجاجة
2 ـ فقع عين اليهودي
3 ـ قتل الشايب
فعندما علم القاضي مسك رأسه وقال عز الله انك جبت العيد
فجلس القاضي يفكر وقال خلونا نأخذ القضايا وحدة وحدة
فنادوا صاحب الدجاجة
فقال القاضي وش تقول في دعواك على راعي الدجاج
قال صاحب الدجاجة : هذا سرق دجاجتي وأنا معطيه إياها ميته
و يقوووووووول إنها طااااارات كيف ياقاضي
قال القاضي هل تؤمن بالله
قال صاحب الدجاجة : نعم
قال القاضي ): يحي العظام وهي رميم ) يله ما لك شئ
جيبوا المدعي الثاني
فجابو اليهودي وقالوا هذا فقع عينه راعي الدجاج
فجلس القاضي يفكر ويحوس ويطلع وينزل
فقال القاضي لليهودي : دية الكافر نصف دية المسلم يعني نفقع عينك الثانية علشان تفقع عين وحدة للمسلم ( إلي هو راعي الدجاج )
فقال اليهودي : خلاص أنا متنازل ما عاد أبي شئ منه
فقال القاضي : عطونا القضية الثالثة
جاء ولد الشايب : قال يا فاضي هذا الرجل طمر على أبوي وقتله
ففكر القاضي وقال : خلاص روحوا عند المنارة وتركب أنت يالولد فوق وتطمر على راعي الدجاج
فقال الولد للقاضي : طيب وإذ تحرك يمين أو يسار يمكن أموت أنا
قال القاضي : والله هذي مو مشكلتي أبوك ليش ما تحرك يمين أو يسار
فطلع راعي الدجاج من القضايا الثلاث مثل الشعرة من العجين
![•-«[ عضومبدع]»-•](https://2img.net/i/itest/ranks/default/default2.gif "•-«[ عضومبدع]»-•")
موضوع: القاضي ... وراعي الدجاج .... واليهودي 
الخميس 29 مايو - 9:33
