AL-MAN3 COLLEGE

أكبر تجمع لطلآب وطآلبآت كلية محمد المآنع للعلوم الصحية في الخبر
 
الرئيسيةالبوابةبحـثالتسجيلدخول

شاطر | 
 

 حزايه الخياطه المسكينه

اذهب الى الأسفل 
كاتب الموضوعرسالة
امل1
•-«[ عضو نشـيط ]»-•
•-«[ عضو نشـيط ]»-•
avatar

عدد الرسائل : 360
الموقع : صفوى الحبيبه
المزاج : فرحانه
تاريخ التسجيل : 15/05/2008

مُساهمةموضوع: حزايه الخياطه المسكينه   الأربعاء 18 يونيو - 8:39

<HR style="COLOR: #b79970" SIZE=1>
اخواني واخواتي تشرفت بمعرفتكم
وسابدا بولعي وهو القراة والكتابه (صف اول)
في الحزايا ت وانكتون تقبلو ساكمل
فقط اسالكم الدعاء
صلو على محمد وال محمد


كان يا مكان فى قديم الزمان كان في مره خياطه

متزوجه من رجال بسيط على قده عنده دكان يبيع فيه اماعين

بيتهم الصغير عباره عن حجرتين نوم ومطبخ معرش بجينكو

وحمام وحوش فيه ها الحوش مغسله صغيره من جنب

وعندهم سطح والدرج صاير داخل الحوش

يعني اي احد يبي يروح الصطح لاازم يمر من الحوش


ها المره ما جابت الا بنت من ها الرجال الفقير

وكانو عايشين مبسوطين وفراحانين بها البنت الي الله من عليهم ابها


والابو مدللها وكل يبي يجيب لها اي شئ تبيه


وامها كل تتحلا عليها وكل تخيط لها ادريريعات بعني فساتين


والخياطه اسمها ام جميله البنت اسمها جميله

والابو اسمه ابو جميله





ام جميله خياطه معرفه فى فريجهم وكلا النسيوينات يجيبون لها اثيابهم وثياب ابنياتهم عشان تخيط لهم


وكل عصريه ينترس حوشهم من النسوان

بنيات يجون ويا امهم يلعبون ويا جميله

وجميله مستناسه ويا ها االبنيات مب حاسه انها ابروحها

امها مستناسه ان جميله مب حاسه بوحده

وكل ما شافت جميله مبسوطه كثرت خياطه

عشان الناس كل تجيها


ام جميله حليوه ولسانه حلووووو

والنسوان مستانسين عليها وعلى خياطها والسانه الحلو جاذبهم اكثر

المره صايره لبقه

ورجلها يموت عليها

وكل يبي يدور رضاها

وهي بعد كل تبيه يرضى عنها
ام جميله مره شاطره


تقعد من الصبح وتريق رجلها وتخليه يطلع متريق واذا جاء يطلع الي السوق توصله الى الباب

وتقول له الله يحفظك ويرزقك ويوفقك ويجعل لك فى كل خطوه سلامه



ابو جميله يستناس عليها اذا جاء يطلع من عندها


ويروح شغله مبسوط ومفتوحه نفسه على الشغل

ام جميله اذا طلع رجلها من البيت تروح تعدل بيتها تخمه وتغسل اماعينها وتحط ايدامها على ام الفتل

وتقعد جميله وتفطرها

جميله لها خمس سنوات


وتغسل اثيابها واثياب رجلها واثياب جميله وتنشرهم


وتالي تقعد على المكينه تخيط اثويبات النسوان

وجميله يمها تلعب


واذا جاء الظهر تروح تكمل طبخ غداها وتروح تتسبح وتتعطر وتتكحل وتدق لها الديرمه

وتسبح جميله وتستقبل رجلها ذاك الاستقبال الحلو اذا دخل ابو جميله


تقول له هلا ومرحبا بالي لفانا


الله يساعدك ويعطيك الف عافيه


وتروح وتحط ذاك الغداء الي اهى طابخته

وتحط السفره وعليها ذاك الصحن ا الي فيه ذاك العيش ويمه ذيج المريقه وصحن التميرات

وذاك ا لبن البارد الي اذا اشربه ابو جميله قال وين المرقد


وابو جميله متعود اذا تغدا لاازم ياخذ القيلوله

يرقد عقب الغدا
الرجوع الى أعلى الصفحة اذهب الى الأسفل
!sodfa
•-«[ عضومبدع]»-•
•-«[ عضومبدع]»-•
avatar

عدد الرسائل : 2862
العمر : 27
الموقع : السعوديه
المزاج : رآآآيقهـ..
تاريخ التسجيل : 29/04/2008

مُساهمةموضوع: رد: حزايه الخياطه المسكينه   الأربعاء 18 يونيو - 22:57

يسلمووو
الرجوع الى أعلى الصفحة اذهب الى الأسفل
M.E.I.N.O
المؤسٍّــسَـة
المؤسٍّــسَـة
avatar

عدد الرسائل : 1691
العمر : 27
تاريخ التسجيل : 24/04/2008

مُساهمةموضوع: رد: حزايه الخياطه المسكينه   الإثنين 7 يوليو - 10:07

جنت رح انااام وآني اقرا
ههههه
لكن الله ستر
والله خووش حزايه
يسلمووو عيني

_________________
الرجوع الى أعلى الصفحة اذهب الى الأسفل
http://mn3-c.mam9.com
SaD NiGhT
•-«[ عضومبدع]»-•
•-«[ عضومبدع]»-•
avatar

عدد الرسائل : 2418
تاريخ التسجيل : 29/04/2008

مُساهمةموضوع: رد: حزايه الخياطه المسكينه   الثلاثاء 8 يوليو - 1:27

شكرا عالموضوع الحلو
الرجوع الى أعلى الصفحة اذهب الى الأسفل
 
حزايه الخياطه المسكينه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
AL-MAN3 COLLEGE :: الاقسام الفكرية والثقافية :: منتدى الحضارة والتراث-
انتقل الى: